ne na fahimci ina

da sabon shigar ciki, saboda kula da nayi ta

hanyar yawaita yin gwajin do it yourself da

nake yi.

Na same shi zaune yana duba takardun da

yake rubutawa na kammala karatunshi na nemi

wuri na zauna ina jiran ya gama.

Ya kalle ni, yaya dai amarya da magana ne.

Na dan yi murmushin jin suan da ya kira ni, na

ce eh amma ai zan jira ka gama tukuna ya ce,

a'a ke dai na tattara na ajiye kawai maganarki

ai tafi wannan aikin tunda don ku ake yin shi.

Matso nan ki zauna na karasa inda yake

nuna mun na zauna sai dai na kasa yi mishi

bayanin saboda zuba mun ido da yayi.

Ya dan yi murmushi ya ce, "Hauwa'u

kenan, kin san wani abu? Na dan girgiza kai ya

108

ce, Kunyarki tana bani sha'awa, tana kuma

kara mun sonki da ganin martabarki a kullum.

Don kuwa nasan kunya aba ce da Allah

yake yiwa salihan bayinshi. Cikin hikima ya

sani nayi mishi bayanin komai, don haka take

kawai.

Sai ya kira Likitan da yake mu'amalla da

shi ya ce, mu same shi a gida. Ya rubuta

gwaje-gwaje da kuma scarming ba mu dawo

gida ba sai da muka biya muka yi.

Kamar yadda aka taba yi mun bayani a

baya, wannan ma haka ne, bambanci kawai shi

ne wannan cewa yayi mahaifata bata da karfin

rike nauyi mai yawa.

Don haka idan cikin ya kai wasu watanni za

a daure bakinta, don haka zan rage ayyukan

karfi da kuma yawan Zirga-zirga har zuwa

lokacin da za a daure.

Muka dawo gida ya ce naje na kira mishi

Amina. Nayi sallama a bakin kofar na shiga

nayi mata bayanin kiran da yake mata, muka

hadu a falon yayi mata bayani a gajarce.

Sannan ya ce, Don haka yana so ta kar6ar

mun aiki har kafin na samu lafiya nayi kwari.

109

Tayi mishi wani irin kallo da ban taba ganin

tayi mishi makamancin shi ba, sannan ta ce

"Zakari kenan lallai ka same ni a yadda ka ke

so na karbeta abinci fa ka ce?

Ya ce. eh na wani dan lokaci ne kawai

saboda lalurar da ke tare da ita. Ta ce, To ba

zan iya ba ko cikinta ya zauna ko kada ya

zauna wannan matsalarku ce ba tawa ba.

A kan wannan 'yar iskar karuwar da ka.

"Ke! Ya daka mata tsawa, take kuma da ni da

ita muka zuba mishi ido.

Ni dai na dauka zai rufeta da duka ne

saboda abinda na gani a cikin idonshi, itama

kuma bata kara cewa komai ba.

Juyawa tayi ta fita. Shi kuma ya koma ya

zauna sai da na bari zuciyarshi tayi sanyi

sannan na ce ni fa idan ka yarda ma zan iya yin

girki tunda dai ba mai yawa ba ne.

Ya ce, "A'a ki bari kawai nasan abinda zan

yi."

Da daddare Amina bata yi abinci ba, kamar

yadda ta fada shi kuma yace bai yarda nayi ba,

don haka take away yayi mana har da yaran

gaba daya.

110

Washegari da safe da kanshi ya shiga kicin

ya tafasa ruwan zafi ya hada tea ya baiwa

yaranshi, sannan ya ajiye mun ya tasa ni a

gaba.

Na ce, "Da ka yarda da abinda nake gaya

maka. Zan iya kananan aikace-aikace shima

Likitan ya gaya maka jijjiga jikina ne ba zan yi

ba.

Ya ce, "Ban yarda ba, idan kuma na gane

kema ban isa na saki ko na hanaki ba zan san

irin zaman da zan yi da ke."

Wannan magana da yayi tasa jikina yayi

sanyi, don haka ban sake yi mishi maganar ba.

Kwance kawai nake a dakina tunda yau Amina

ta karbi kicin din.

Waya muke yi da Nasiba kan batun aurenta

wata mai zuwa, tare da yi mata bayanin halin

da nake ciki.

Muna 'yar hira kan shirye-shiryen bikin.

Mallam ya shigo ya zauna a kusa da inda nasa

kaina a kan gado yana jin hirar shakiyancin da

Nasiba take yi.

Ya dan yi murmushi bayan na kashe wayar

ya ce, Kawancenku da Nasiba dai akwai

111

mamaki a ciki, don kuwa halayenku daban-

daban.

Na gyara zamana a kan gadon ya miko mun

ledar da ke rike a hannunshi tare da plate na

bude rabin kaza ce sai wata hadaddiyar shinkafa

a robar disposable.

Na mike tsaye ya ce, ina zuwa? Na ce zan

dauko abu ne a fridge. Ya ce, zauna me za ki

dauko? Na ce ruwa.

Ya isa fridge din ya miko mun robar ruwan

swan gyara zama nayi sai da na kusa cinye

abincin nan da rabin kazar sannan nasha ruwa

sannan ya fita.

Da daddare ma shigowa yayi ya ce ko zamuu

je falo ne ya ce, To idan za ki iya na dan yi

murmushi na ce, Haba dai nan da falon kuma

bayan na ce maka gar nake jina.

Ka dai yarda ne in kuma aka ce haka zamu yi

ta zama ai zaka wahala da yawa, ya ce to ya na

iya Hauwa'u?

Ina so naga dan da za ki haifo mun sannan ko

ba don ni ba kema ai kina da hakkin na kula da

ke, sannan na gamsar da kaina cewa ban kware

ki ba. Don ina da wasu 'ya'ya kefa?

112

Tausayinshi ya kama ni, lalurar da ta same ni

a gidan wani shi kuma yana ta wahala da ita.

Muka shiga falon Amina ta sha kwalliya tana

zaune ta gama abincin ta tunda girkinta ne. ban

sani ba ko ganin Malam da tayi daga wurina ne

ya 6ata mata rai?

Tunda ba ya shiga dakin wacce ba ita ce dda

girki ba, sai bisa lalura. To ita kuma bata dauke

ni a matsayin mai lalura ba. Babu wanda ya ce

wani abu a cikinmu har ita.

Na nemni wuri na zauna shi kuwa ya shiga

uwar dakinshi. Ta mike ta bishi zuwa can ya

sake fitowa tare da ita ya zauna a kan kujerar da

ya saba zama.

Ta dauki plate dinshi ta zuba mishi abinci ta

mika mishi, bai kalleta ba da remote a hannunshi

yana kokarin kamo (BBC World).

Ta gaji ta ajiye a kasa ta zuba mishi ruwan

lemo a kofi, ta debi nata taja gefe ta fara ci.

Ni dai dama a koshe nake don kuwa duk

sanda ya fita zai shigo mun da wani abu. Babu

wanda ya yi magana a cikinmu, don kuwa yanzu

bama hira da Amina.

Hirar dai da shi ne, to shi kuma yau fuskar a

daure take, don haka sai kawai na mike na dawo

113

dakina, saboda hango abubuwan da ke shirin

tashi da nake yi.

Mallam ya daina cin abincin Amina kwata-

kwata ni kuwa kullum zai kawo mun na rana da

na dare da safe kuwa hakura nake yi na sha tea

A hankali kuma yana ta neman mai aiki har

kuma an samu, sai dai aikace-aikacen gida ne

kawai ban da girki.

Babu abinda bata yi ba amma ya ki yarda ya

rinka cin abincin nata, wanda hakan ne yasa

manyansu suka zo don yi musu sulhu.

An kuma bata rashin gaskiya, shi kuma an

bashi hakuri tare da jaddada wa Amina kan ya

kamata ta gyara kan zamanta da mijinta shi kam

ya kafe ya ce ba zai ci abincin ba sai na wartsake

mun koma canje-canje yadda aka saba, amma

yanzu tunda ya nemi alfarmar ta a farko taki to

baya so ta rinka girkawa tana ci.

Bikin Nasiba yazo, har gida ta kawo wa

Mallam wanda zata aura suka kuma ba shi IV,

don haka shiri sosai muke yi na bikin, duk da dai

a gida nake zaune amma komai da ni ake yi a

waya.

Sanin da nayi Mallam ba zai bar ni zuwa

walima da send forth ba yasa ban ma bata lokaci

114

wajen tambaya ba, amma a yau daurin aure shiri

nayi cikin wani irin leshi mai kyan gaske.

Ga wani irin annuri da ke fita a jikina na

kwanciyar hankali da zama wuri daya, ga kuma

kyan da yaron ciki ke sawa.

Don haka ko ban ce komai ba ma an san na

hade kenan. Zama nayi a dakina ina jiran

shigowar Mallam don mu tafi tare, tunda nasan

zai halarci daurin auren, wanda za ayi karfe

goma na safiya.

Ya shigo dakin cikin babbar riga 'yar ciki da

wando na asalin yadin voil fari tas da hular shi

damanga itama fara.

Sai bakin takalmi sawu ciki da agogonshi da

ya daura rolex mai bakar fata.

Ina murmushi ina kallonshi a yau kam

annurinshi bai sa na kasa kallonshi ba dongon

mutum sosai dan siriri ba can ba baya cikin

bakake baya cikin farare.

Na sha rokonshi ya bar kasumbar shi da

kullum yake kankarewa amma sai yayi

murmushi kawai ya gyara dan gashin bakin da ta

zagaye labban bakinshi na sama. Na dai yi kyau

kenan na sake fadada murmushina na ce, ba

kadan ba, ya ce to ni zan tafi. Na mike ina gyara

115

gyalena, ya ce ina za ki? Na kalle shi na ce,

gidan bukin mana. Ya ce, a'a ni bamu yi haka da

ke ba, gabana ya fadi na ce, "Haba Mallam,

bikin Nasiba ne fa kada kayi mun haka."

Ya ce, "Zan yi miki fiye da haka don kuwa ba

zaki je ba in dauke ki na kai ki gidan biki na

ajiye ki na dawo ke hankalinki daya kuwa?

Ba kya kallon halin da ki ke ciki ne? Duk

yadda ki ke da Nasiba ba zai sa nayi gangancin

da za ki yi mun asarar wannan cikin ba, gara ki

san da haka.

Juyawa yayi ya fita ya bar ni a tsaye rike da

gyalena a hannu, kukan da nayi ranar ba na wasa

ba ne.

Ace yadda muke da Nasiba amma wai an

hana ni zuwa bikinta? Ita ya ya zata dauki abin.

Wajen sallar azahar ya dawo yana kallona, ya

ce kai Hauwa'u kenan ku ka ki ka yi? Wasu

hawayen suka zubo mun ya dan yi murmushi ya

ce, "Gaskiya ban kyauta ba yi hakuri kici

abincinki ya gyara zama ya bude abinda yazo

mun da shi.

Ya ce, Bude baki na ba ki da hannuna. Ban

kalle shi ba. Ya ce, Idan kina son na bar ki kije

116

gobe na dawo na samu kin cinye ya tashi ya fita

saboda kiran da aka yi mishi a waya.

Na dan wartsake saboda maganar da yayi

mun, don haka washegari ma da sassafe na

shirya ban tsaya jiranshi ba, bin shi falon shi

nayi na samu yana wanka.

Na shiga har cikin dakin na zauna a bakin

gadon ya fito yana kallona, kai Hauwa'u kina jin

dadi fa, wannan kwalliyar duk ni aka yi wa ita na

dan yi murmushi.

Ya jawo mai zai fara shafawa ya ce, Yanzu

kinga in banda ba na son ki rinka wani motsi mai

karfi ai da sai na baki man nan ki shafa mun."

Na kalle shi na ce, Mallam yanzu man ma

motsi ne mai karti ya ce, eh mana ni inda zai

yiwu ma ai da ko numfashin nan naki da karban

miki nayi.

To amma ina ba hali, ya mike ya dauko kaya

yana sakawa, ni kuma 1na kallon agogo saboda

kaguwan da nayi shima ya kalli agogon ya ce,

"Af, kina kallon agogo zan bata miki lokaci ko.

Yi hakuri bari na dan je nan kusa na dawo sai

mu tafi. Na ce, To ko zaka sauke ni ne sai ka

wuce daga can? Ya ce, Ki dai jira ni ba wani

dadewa zan yi ba.

117

Tun ina jiran Mallam a zaune har na gaj1 na

kwanta barci ya dauke ni, ban farka ba sai wajen

azahar na dauki waya na kira shi bugu daya ya

dauka yaya amarya kin gaji da jira ko?

Kada ki damu gani nan. Ba shi ya dawo ba sai

wajen karfe hudu da rabi.

Ya shigo tamfar babu abinda ya faru, Allah

dai yasa kin yi tunanin hada tea kin sha tunda

ban samu kawo miki abinci da wuri ba.

Karo na farko da yayi magana ban kula shi ba

ya ajiye abincin.

Wani irin lafiyayyen kifi da aka bude shi aka

cire kayarshi, sannan aka gasa yayi kyau ya ajiye

a gefena tare da robar ruwa.

"Bana so kina shan zaki da yawa." Ya yago

kifin "Bude baki na baki. ". Na kalle shi takaicina

ya sake karuwa ganewan da nayi da saninshi

yayi mun abinda yayin.

Na mike zan bar wurin, ya ce zo nan. Ban

kula shi ba na ci gaba da tafiya, zo nan Hauwa'u

kada ki koyi dabi'ar da ba ta ki ba.

Dawowa nayi na zauna. Kiyi hakuri. Kuka na

kama yi saboda bacin rai, yau ne ranar karshe ta

bikin Nasiba.

118

Kuka sosai nayi yana bani hakuri. Tun jiya

nayi mata bayanin ba za ki samu halarta ba ta

kuma san ba haka kawai zan hana ki ba, ai tasan

lalurarki.

Na ce, To ai da sai ka gaya mun ba ka sa ni

na saka rai da zuwa ba, ya ce To nayi kuskure ba

kuma zan kara ba. Ya sake miko min kifin.

Yi hakuri kici, don nasan kin huce.

Cikina yayi kwari har an saka mun robar an

kuma dan rage min dokoki sai dai ba mai yawa

ba, don haka Mallam ya kai ni gidan Nasiba nayi

mata wani zur.

Gidanta ita kadai, don mijin nata bai taba

aure ba. Komai na gidan mai kyau. Na kuma kai

mata gudunmawa ta duk da sanin da nayi

Mallam ya bata.

A gida kuma na fara yin abinci tare da

taimakon Sahura mai aiki, sai dai lallabawa nake

yi komai a hankali. A lokacin ne kuma aka

kawo Abulkhairi hutu. Na gayawa Mallam ina so

naje gida ya ce, a'a a kawo shi nan yaron ya

girma sosai kamar shi daya da Babanshi sai ko

haskena da yayi. Kyauta sosai Mallamyayi

mishi wanda hakan yasa ni kara damka mishi

zuciyata dungurungum dinta.

119

Watan Azumi ya kama, Musulmi gaba daya

kowa ya bada himma wajen ganin ba a bar sh1 a

baya ba.

Matsalar dai kawai shi ne, a watanne kuma

cikina ya shiga wata bakwai, don haka lallabawa

nake yi har a yanzu saukin abin ma dai tun

shigarmu wannan zangon karatun Mallam yasa

ni dole nayi differing din shekarar gaba dayanta.

A cewarshi badi na haihu dan yayi kwari sai

na ci gaba, to ban musa ba don kuwa nima hakan

yafi mun sauki.

Raba abincin muka yi mai girki tayi abinci

soye-soye yar uwarta kuma tayi kunu da kosai

tunda shi ya ce idan bai sha kunu da kosai ba

idan ya kai azumi baya jin dadi.

Har da haduwar da muke yi gaba dayanmu a

kicin Amina bata kula ni, idan na gaisheta ma

bata amsa wa ban dai daina gaishetan ba tunda

umarnin maigidan kenan.

Habaici kuwa tunda dabi'arta ne bata daina

ba. Ni kuwa tunda na rama sau daya abin ya

zama gagarumi to na kyaleta magana ta kare, sai

tayi tayi taji dadin da take ji idan tayi.

120

Duk da zaman Sahura a gidan aikin mu kawai

take yi, bata shiga dakin Mallam, don haka mu

ke sharewa.

Kirana Umma tayi akan Babana yana rashin

lafiya, tunda naji haka kuma nasan abin ya baci,

don kuwa shi ba mai yawan ciwo ba ne, sai dai

idan zai yi ya kan yi mai zafi ne.

Cikin sauri na mike zan shiga falo saboda na

sanar da MaHam kafin ya fita don ya sauke ni a

gida.

Amina na samu tana shara har ta kawo kusa

da kofa bata yi alamar zata tsaya na wuce ba,

don haka nayi nufin rabawa ta gefenta.

Mikewar da zata yi sai kawai ta hankade ni

da hannunta na bugi bango. Ta nuno ni da

tsintsiya "Kin san Allah? Ki kiyaye ni kada kiyi

sanadin da zan saki zubad da jini a gidan nan.

Kin sanni kuwa?"

Daga bakin kofar uwar däkarshi ya tsaya ya

ce, "Me ke faruwa ne?"

"Ka dai mata kashedi kawai abinda zan iya

fada maka kenan, idan kuma ba haka ba zan yi

mata abinda da kai da ita ba za ku yi zato ba.

Idan yaso duk abinda zai biyo baya babu

damuwa."

121

"Hauwa'u!" Na ce, "Na'am, zo nan. Wuce ta

nayi na karasa inda yake tsaye ya ce, wuce ki

nemi wuri ki zauna ina zuwa.

Na ce, To. Bai sake tambayata abinda ya faru

ba, nima ban gaya mishi ba, bayanin da nayi

mishi kawai na rashin lafiyar Babana ne.

Ya ce, To na shirya muje.

A hanya nasiha yake tayi mun kan hakuri a

wata mai altarma irin Ramadan, sannan kuma a

irin halin da nake ciki bai kamata na rinka tanka

mata muna fada ba.

Zuciyata dai babu dadi kawai abinda na sani

kenan. Mun samu jikin Babana yayi sauki amma

duk da haka Mallam yasa Likita ya rinka zuwa

duba shi.

Duk da farkon azumi yayi aike sosai na kayan

abinci yau ma ya bayar da kudi ma su auki,

saboda magani da hidimar gida.

Tare muka dawo saboda aikin abincin buda

baki. Ina tsaye a kicin din ina hada abinci tunda

ni ke da girkin ranar ita kuma tana hada kunu

maganganunta take yi da z age-zage.

Ban tanka mata ba don kuwa duk da dama ba

dabi ata ba ce amsa mata a yanzu kuma tsoronta

nake ji.

122

Na gama na juye abinci a babban flask na

hada salads a gefe na dauka zan fita, ita kuma

zata shiga kicin din na kauce na bata wuri ta

shige.

Na isa falo na ajiye na tafi daki don dauro

alwala.

Muna zaune bayan sallar magriba abinci nake

kokarin zuba mishi na dauko ludayi

a cikin kunu da nufin zubawa a kofi, sai kawai

naji Amina ta ce "Lalala ki ka fantsala mun?"

Kan na san abinda zan ce mata sai kawai ta

dauki kunun gaba dayanshi ta sheka mun. Da